Ведомствоның мәліметінше, тамыз айында Ұлттық қауіпсіздік комитетінің Түркістан облысы бойынша департаменті Шымкент қалалық прокуратурасымен келісе отырып, синтетикалық есірткі өндіретін жасырын зертхана қызметінің жолын кескен.
Есірткі заттарының кезекті партиясын дайындау кезінде екі шетелдік ұсталып, соттың санкциясымен қамауға алынды.
"Шамамен 4 кг "мефедрон" психотроптық заты, 50 литр прекурсор, шетелвалютасында ақшалай қаражаттың ірі сомасы, сондай-ақ "синтетика" дайындауға арналған зертханалық жабдық алынды." ҰҚК баспасөз қызметі
Қылмыстық Кодекстің 297-бабының 3-бөлігі бойынша сотқа дейінгі тергеп-тексеру жүргізілуде.
Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды.