Ведомствоның мәлімдемесінде былай делінген:
"Жылу маусымына дайындық және оны өткізу ережесіне сәйкес, Алматы қаласындағы нысандарды кезең-кезеңімен қосу уәкілетті органның қаулысы негізінде қалада бес күн ішінде +8°С және одан төмен сыртқы ауаның тұрақты орташа тәуліктік температурасына жеткенде басталады".
Тұтынушыларды жылумен жабдықтауға қосу тәртібі де атап өтілген:
- балалар, емдеу, мектеп мекемелері, кәсіптік-техникалық училищелер, медициналық-әлеуметтік мекемелер;
- тұрғын үйлер, жатақханалар, қонақ үйлер;
- әкімшілік ғимараттар, оқу орындары, театрлар;
- басқа ғимараттар.
Бұған дейін "Қазгидромет" РМК синоптиктері 10-12 қыркүйекке арналған қала бойынша ауа райы болжамын ұсынған болатын. Олар бұл күндері түнде термометрлер 10-12 градусқа дейін төмендейтінін атап өтті. Болжам туралы толығырақ сілтемеден білуге болады.
Сонымен қатар, Астанада жылыту маусымы бес күн бойы тұрақты орташа тәуліктік +10 градус Цельсий және одан төмен ауа температурасымен басталады.
