2024 жылдың 1 мамырында басталған жөндеу жұмыстары мерзімінен бұрын аяқталды. Бұрын олар 24 желтоқсанға дейін жалғасады деп жоспарланғанымен.
Жүргізілген жұмыстар барысында негізгі трассадағы асфальт-бетон жабындысы, сондай-ақ ұшу-қону жолағындағы асфальтбетон жабыны ауыстырылды.
"Әуежай 2024 жылдың 5 қазанынан бастап UTC сағат 01:00-де әдеттегідей ұшу-қону жолағы жұмысын жалғастырады. Жөндеу жұмыстары кезінде әуежай әр түнде сағат 22:00-ден 06:00-ге дейін ұшақтарды қабылдау және шығару үшін жабылды", — делінген "Нұрсұлтан Назарбаев халықаралық әуежайы" АҚ баспасөз қызметі таратқан хабарламада.
Мердігер орындаған қалған ұсақ-түйек жұмыстар рейстердің тұрақтылығына әсер етпейді.
6 мамырда елорда әуежайының баспасөз қызметі БАҚ-та ұшу-қону жолағын күрделі жөндеу жұмыстарының сәтсіздігі туралы жарияланған ақпаратты жоққа шығарды.
