2024 жылғы 3 қазанда Сенатта ҚР Ауыл шаруашылығы вице-министрі Ермек Кенжеханұлы атап өткендей, 11 науқас емделуде. Сібір жарасы 16 бас ірі қара мен алты жылқыдан да анықталды.
"Бізде сібір жарасының барлық ошақтарының тізілімі бар, жерлеу орындарының барлығын білеміз, қауіпсіздік аймағы бар. Ветеринариялық инспекторлар жерленген жердің төңірегінде істің қалай жүріп жатқанын түсіну үшін сынама алып, бақылауда ұстайды", – дейді Ермек Кенжеханұлы.
Ол 9 айдың қорытындысы бойынша аса қауіпті аурулардың ошағы өткен жылмен салыстырғанда 26 пайызға төмендегенін түсіндірді. 2022 жылмен салыстырғанда ауру ошақтары 41%-ға азайды. Жануарларға қарсы вакцинацияның арқасында жағдай жақсарып келеді.
Бұған дейін хабарлағанымыздай, 9 қыркүйекте Алматы облысының Ұйғыр ауданында 16 адам ауруханаға түскен.