Алматы әкімі Ерболат Досаев жұбайымен бірге №48 мектеп-лицейінде орналасқан №388 сайлау учаскесіне Қазақстанда АЭС салу туралы референдумда дауыс беру үшін келді.
Сурет: Алматы қаласы әкімдігінің баспасөз қызметі
Еске сала кетейік, ҚР Премьер-Министрі Олжас Бектенов еліміздегі атом электр стансаларын салу жөніндегі референдумда алғашқылардың бірі болып дауыс берді.
Астанада Премьер-Министр Оқушылар сарайындағы сайлау учаскесінде дауыс берді.
Сонымен қатар, Мемлекеттік кеңесші Ерлан Қарин де дауыс беріп үлгерді.
Қазақстан Республикасының Мемлекеттік кеңесшісі Ұлттық кітапхана ғимаратында орналасқан сайлау учаскесінде таңдауын жасады.
Мемлекеттік кеңесшісінің сөзінше, еліміздің әр азаматы өзінің конституциялық құқығын пайдаланып, өз дауысын бере алады. Сонымен қатар, Карин ерте келіп дауыс беруінің сырымен бөлісті.
