Мамандар мұндай жалған жаңалықтар жалған қоғамдық пікір туғызып қана қоймай, қоғамдық тәртіпке кері әсерін тигізетінін баса айтады.
"Көрінеу жалған ақпарат тарату қылмыстық жазаланатын іс-әрекет болып табылады және Қазақстан Республикасы Қылмыстық кодексінің 274-бабы бойынша қылмыстық жауаптылыққа әкеп соғады." Қарағанда облысының прокуратурасы
Осыған байланысты, Қарқаралы ауданының прокуратурасы азаматтарды, бұқаралық ақпарат құралдарының өкілдерін, әлеуметтік желілерді пайдаланушыларды заңнаманы мүлтіксіз сақтауға және осы құқық бұзушылықтың жасалуына жол бермеуге, тек ресми ақпарат көздеріне сенуге шақырады.
Бұқаралық ақпарат құралдарында және түрлі әлеуметтік желілерде Қарқаралы ауданындағы өртке қатысты көрінеу жалған ақпарат тарату жағдайлары жиілеп кетті. Тексерілмеген мәліметтер жарияланады. Мұндай жалған мәліметтер келеңсіз қоғамдық пікірді қалыптастырып қана қоймай, қоғамдық тәртіпке де теріс әсер етеді.
6 қазанда Қарағанды облысы, Қарақаралы ауданы, Қоянды ауылы маңында құрғақ шөп өртенді. Кейін өрт Павлодар облысына өтіп, Баянауыл ұлттық паркінің ормансыз аумағын шарпыған: кейін ол жерде өрт локализацияланған.
7 қазанда Төтенше жағдайлар министрлігі Қарқаралы ауданындағы өртті сөндіру кезінде ПЧ-24 аға өрт сөндіруші-құтқарушысы Хайрат Хали қаза тауып, тағы төрт адам жараланғанын хабарлады.
8 қазан күні таңертең Қарқаралы ауданының әкімі Әділжан Арғынов дала өртінің жалпы аумағы 35 мың гектарды құрағанын хабарлады. Оны сөндіру күшті желмен қиындайды.
