9 қарашада сағат 7:00-14:00 аралығында Астананың терроризмге қарсы күрес жөніндегі жедел штабы қала аумағында Ветеренария бойынша ұлттық референттік орталықта (Абайдың 150 жылдығы көшесі, 22/3 үй) терроризмге қарсы жоспарлы оқу-жаттығу өткізеді.
Ведомствоның хабарлауынша, шараның мақсаты – құқық қорғау және арнайы қызмет органдары күш-құралдарының терроризм қауіптеріне қарсы жедел әрекет ету дайындығын тексеру.
Оқу-жаттығу аясында белгілі деңгейде тыйымдар мен қаланың кейбір аудандарында жаяу жүру және көлік қозғалысына уақытша шектеулер енгізу қарастырылған.
"Осыған орай, азаматтарды өтіп жатқан шараға түсінікпен қарауға, қауіпсіздік шараларын сақтауға, мемлекеттік органдар қызметкерлерінің заңды талаптарын орындауға, тек ресми ақпарат көздеріне сенуге және жалған ақпараттардың таралуына жол бермеуге шақырамыз", - делінген хабарламада.
