Бұл туралы Қасым-Жомарт Тоқаев қол қойған және 2024 жылғы 26 қарашада Ақорда сайтында жарияланған бұйрықтарда айтылады:
- Қуанышбек Өскенбайұлы Үштаев "Оңтүстік" өңірлік қолбасшылығы әскерлерінің қолбасшысы лауазымынан босатылды.
- Ержан Уақасұлы Ыбыраев "Оңтүстік" өңірлік қолбасшылығы әскерлерінің қолбасшысы болып тағайындалды, ол бұрынғы атқарған лауазымынан босатылды.
Қуанышбек Үштаев бұл қызметті 2023 жылдың қараша айынан бері атқарып келеді. Ол 48 жаста.
Ержан Ибраев жаңа тағайындалғанға дейін 2023 жылдың қарашасынан бастап Астана өңірлік қолбасшылығы әскерлерінің қолбасшысы қызметін атқарды. Ол 46 жаста.
Сондай-ақ Қасым-Жомарт Тоқаев Қазақстан Республикасы Қарулы Күштері Құрлық әскерлерінің бас қолбасшысын ауыстырды. Бұл туралы толығырақ мына жерден біле аласыз.
