Сот дерегінше, 2022 жылғы шілдеден 2023 жылғы қыркүйекке дейін сотталушы К. алдау және сенімді теріс пайдалану жолымен, Б-ға оның күйеуін бас бостандығынан айыру орындарынан апелляциялық сот арқылы босатуға өзінің "қызметі" үшін қомақты төлем сұрады.
"Онымен қоса, сотталушы құқық қорғау органдары мен ҰҚК-да байланыстары бар екендігін мәлімдеді. Қылмыстық әрекеттердің нәтижесінде жәбірленушіге 112 млн теңге сомасында материалдық шығын келтірілді",- делінген ақпаратта.
Сот отырысында сотталушы әйел кінәсін мойындамады. Сотталушының кінәсі жәбірленушінің жауабымен, куәгерлердің жауаптарымен және сот отырысында зерттелген басқа да дәлелдемелермен расталады.
"Сот үкімімен сотталушы К. кінәлі деп танылып, оған 9 жыл мерзімге бас бостандығынан айыру түріндегі жазасын тағайындады. Жәбірленушінің азаматтық талабы толық көлемде қанағаттандырылды".Ақтөбе қаласының № 2 сотының баспасөз қызметі
Сот үкімі заңды күшіне енген жоқ.
Бұған дейін Жамбыл облысында сот шектеулерін сақтамағаны үшін 98 тұлға бас бостандығынан айырылғаны хабарланған болатын.