Патрульдік полиция қызметкерлері мекемеден шығып бара жатқанда кенет есік алдына құлап кеткен ер адамды көрген. Қасына жүгіріп келгенде, оның құрысып, дем ала алмай жатқанын байқаған.
"Бір секундты жоғалтпай, полиция қызметкерлері ер адамға талмамен күресуге көмектесіп, алғашқы медициналық көмек көрсетті. Осы уақытта тұрғындар жедел жәрдем шақырды", - деп хабарлады Астана полиция департаментінің баспасөз қызметі.
Полицейлердің дер кезінде әрекеті қайғылы оқиғаның алдын алды. Ер адам дәрігерлерге тапсырылды.