"Алматы жылу желілері" ЖШС баспасөз қызметі 1984 жылы пайдалануға берілген Ду-800 құбырындағы ақауларды жою жұмыстары аяқталғанын хабарлады.
"Сәтбаев – Достық – Тайманов көшелері аумағы және Самал-1, Самал-2, Самал-3 шағын аудандарында болған жылу желілеріндегі апат салдарынан жылу мен ыстық су өшірілген тұрғын үйлер мен басқа да нысандарға 2024 жылғы 24 желтоқсанда сағат 06:00-ден бастап жылу кезең-кезеңімен беріліп, жүйе жұмыс параметріне шығарылады." "Алматы жылу желілері" ЖШС
Жылу беру жүйесі іске қосылғаннан кейін басқарушы компаниялар – ПИК, МИБ және ғимараттарға техникалық қызмет көрсетуші ұйымдарға ішкі желілердің жай-күйін тексеру қажет.
Еске саламыз, қандай да бір төтенше жағдай туындаса (су тасуы, бу шығуы және т.б.), өз бетінше әрекет жасамай, келесі нөмірлерге хабарласуларыңызды сұраймыз:
- +7 (727) 378-06-65 (тәулік бойы),
- +7 (727) 341-07-77 (08:00-ден 18:00-ге дейін) немесе 109.
Жалпы, 2024 жылы Алматыда 25 жылдан астам уақыт бұрын пайдалануға берілген 20 шақырым жылу желілері қайта жаңғыртылды. "Алматы жылу желілері" ЖШС уәде еткендей бұл бағыттағы жұмыстар алдағы маусымда да жалғасын табады.