"Қазгидромет" РМК-ның Алматы және Алматы облысы бойынша филиалының жетекші инженер-синоптигі Дәулет Кісебаевтың айтуынша, Алматыда 22 қаңтарда таңертең және 23 қаңтарға қараған түні бір тәулік бойы қар жаууы ықтимал. Содан кейін күн күрт суытып, 2-3 күнге созылады, бірақ кейін аяздың беті қайтады.
"Келесі аптада Алматы солтүстік-батыстан келетін суық антициклонның ықпалында болып, осыған байланысты атмосфералық фронттардың жылжуы салдарынан көп жауын-шашын түседі деп күтіледі. Антициклон қалаға енгеннен кейін ашық ауа райы орнап, ауа температурасы күрт төмендейді: 22 қаңтардан 25 қаңтарға дейін түнгі уақытта сынап бағаны -15...17°C дейін төмендеп, күн суытуы мүмкін", - деді Дәулет Кісебаев.
Антициклон - жоғары қысымды өріс. Маман өріс басылған кезде циклон тауларға ығысатынын айтады. Атмосфералық фронттар циклондармен өршуімен байланысты жауын-шашын көптеп түседі. Осыдан кейін антициклон келіп, өзімен бірге ашық және бұлтты ауа райын ала келеді. Тура осы жайт күннің сууын тудырады.
Алматы қаласы бойынша 2025 жылғы 18-24 қаңтар аралығына арналған ауа райы болжамы
18-19 қаңтар: аспан бұлтты, күн райы жауын-шашынсыз. Желдің екпіні - 0-5 м/с. Ауа температурасы түнде: -3...-5°C, күндіз: +3...+5°C.
20-21 қаңтар: аспан бұлтты, күн райы жауын-шашынсыз. Оңтүстік-батыстан, батыстан соққан желдің екпіні - 3-8 м/с. Ауа температурасы түнде: -3...-5°C, күндіз: +3...+5°C.
22 қаңтар: аспан бұлтты, қалың қар жауады. Тұман, көктайғақ болады. Солтүстік-батыстан соққан желдің екпіні - 2-7 м/с. Ауа температурасы түнде және күндіз: -4...-6°C.
23 қаңтар: аспан бұлтты, түнде және таңертең қар жауады. Тұман, көктайғақ болады. Солтүстік-шығыстан соққан желдің екпіні - 2-7 м/с. Ауа температурасы түнде: -12...-14°C, күндіз: -7...-9°C.
24 қаңтар: аспан бұлтты, күн райы жауын-шашынсыз. Түнде және таңертең тұман, көктайғақ болады. Солтүстік-шығыстан соққан желдің екпіні - 2-7 м/с. Ауа температурасы түнде: -15...-17°C, күндіз: -5...-7°C.
Бұған дейін синоптиктер алдағы күндері циклон жүріп, Қазақстан аумағына қар мен жаңбыр түрінде жауын-шашын әкелетінін ескерткен болатын.