Ол Парламенттегі талқылауда жаңа салық кодексінің жобасы бар екенін еске салды. Оның айтуынша, құжатта салық жеңілдіктерін қысқартуға, екінші деңгейдегі банктер, ойын бизнесі, сәнді тауарлар және т.б. үшін салықтарды көтеруге байланысты бірқатар шаралар қарастырылған.
"Салық комитетіне кейбір бақылау функцияларын дискретті, сараланған түрде қайтару ұсынылады. Нәтижесінде бюджеттің кіріс бөлігін шамамен 5-7 трлн теңгеге ұлғайтуды жоспарлап отырмыз. Бұл бізге даму бюджетін қазіргі 8%-дан 20%-ға дейін ұлғайтуға мүмкіндік береді. Қажет болған жағдайда біз атаулы әлеуметтік көмекті, жалақыны, зейнетақыны, жәрдемақыны инфляцияның өсуіне индекстейміз", – деп сендірді Серік Жұманғарин.
Бұған дейін елімізде 28 қаңтардан бастап картоп экспортына шектеу қойылатындығы хабарланған болатын.