Облыстық прокуратура қызметкерлерге зейнеткерлік жасқа толған кезде кепілдендірілген өтемақы және іссапар шығындары төленбеген фактілерді анықтады.
Жұмыстан босату туралы бұйрықтарда зейнеткерлік жасқа толуына байланысты шартты бұзу туралы жазылмаған, тек еңбек шарты тараптардың келісімі бойынша немесе қызметкердің өтініші бойынша бұзылғаны белгіленген. Осыған байланысты құқығы бұзылған 350 қызметкер анықталды, оларға 38 млн теңгеден астам өтемақы төленбеген.
Сондай-ақ, білім бөлімдері мемлекеттік тапсырыс шеңберінде біліктілікті арттыру курстарынан өткен педагогтерге іссапар шығындарын төлемеген. Конституциялық құқықтары бұзылған және оларға 185 млн теңгеден астам төленбеген 1,8 мыңнан астам педагог анықталды.
Қадағалау актілері бойынша 60 млн теңгеден астам сомаға төлемдер жүргізілген 405 мұғалімнің құқықтары қорғалды. Қалған қызметкерлерге төлемдер жақын арада төленетін болады.
Бұған дейін "Алатау" дәстүрлі өнер театры Чехов фестиваліне қатысатындығы хабарланған болатын.