Ол шығындарды оңтайландыру цифрлық технологияларды енгізу арқылы жүзеге асырылуы тиіс екенін атап өтті. Бұл тәсіл министрлік қызметінің тиімділігін арттыруға бағытталған.
"Мен сіз атап өткен жаңа тәсілдерді толығымен қолдаймын. Цифрландыру арқылы артық шығындар мен қажетсіз құрылымдарды қысқарту қажет. Нәтижесінде, жалпы мемлекеттік аппараттың тиімділігі артады. Бұл барлық мемлекеттік органға қатысты", — деді Премьер-министр.
2025 жылдың 25 ақпанында отандық фермерлерді қолдауға үкіметтік резервтен 116 миллиард теңгеден астам қаржы бөлінгені белгілі болды. Тиісті қаулыға Премьер-Министр Олжас Бектенов қол қойды.