Журналистер министрден қолданушы ретінде қазақстандық интернеттің сапасына көңіліңіз тола ма деген сұрақ қойды.
"Сұраққа нақты жауап беремін. Қолданушы ретінде мен қуаныштымын. Жолда, қала ішінде жүргенде, онлайн режимінде жиі кездесулер өткіземін және интернеттің айтарлықтай құлдырауын немесе байланыс үзілуін байқамаймын", – деді Жаслан Мәдиев.
Ол сондай-ақ қаланың өсіп келе жатқанын және "бос дақтар" пайда болуы мүмкін екенін атап өтті.
"Бұл сәттерді автокөлік қозғалысының жылдамдығын ескере отырып, біздің арнайы қызмет жазып алады. Біз ақпаратты өңдеуге қабылдап, жедел түрде жауап беруге тырысамыз: қосымша базалық станциялар немесе жабдық орнатылған діңгек құрылымдары орнатылған. Ұялы байланыс операторы қосылып, қамтуды жақсартады. Сондықтан, жалпы алғанда, интернетпен жұмысыма көңілім толады", – деп жауап берді министр.
Осыған дейін Жаслан Мәдиев eGov жүйесіндегі ақаулық, соның салдарынан көптеген ата-аналар елдегі мектептерге балаларының құжаттарын тапсыра алмай қалғаны туралы айтқан болатын.