"Жетінші арна" ақпаратынша, бұл соңғы екі жылдағы қаржыдан екі есе көп. Қазірдің өзінде қалада дезинсекциялық жұмыстар басталып кетті.
Биылғы жылы масалар жылдағыдан ерте оянды – күннің жылысымен жәндіктер көбейе түсуде, сондықтан шенеуніктер олармен күресте бірден екі компанияны тартуға мәжбүр болған. ТКШ және тұрғын үй басқармасының бас маманы Елтай Айбатовтың айтуынша, қала екі бөлікке бөлінген.
"Ашық конкурс жарияладық. Бір мердігер қаланың оң жағын өңдеу үшін 99 млн теңгеге, екіншісі 93 млн теңгеге тендер ұтып алды. Ол Атыраудың сол жақ бөлігін өңдеумен айналысатын болады. Бұл екі компания сәуір айынан бастап жұмыс істей бастады. Қазіргі уақытта олар көппәтерлі үйлер мен саябақтарды өңдеуде", – деп атап өтті Елтай Айбатов.
Бұған дейін Павлодар облысында үйінде 20 келі марихуана сақтаған тұрғын ұсталғандығы хабарланған болатын.