Жаңа видеода Құқықтық статистика және арнайы есепке алу комитетінің Жамбыл облысы бойынша департаментінің қызметкері Әлия Қожабекова әріптестерінің әрекетінен анықтаған басқа да бірқатар заң бұзушылықтарды айтты. Айтуынша, ол бұл туралы бастықтарға, тіпті Антикорға да бірнеше рет хабарлаған, бірақ әзірге ешқандай шара қолданбаған.
Бұл мәлімдемелерге түсініктеме бере отырып, Бас прокуратура мынаны хабарлады:
"Жамбыл облысы бойынша Құқықтық статистика және арнайы есепке алукомитеті Департаменті қызметкерінің бұқаралық ақпарат құралдары мен әлеуметтік желілерде таралған бейнежолдауларға қатысты Бас прокуратура келесіні хабарлайды. Бас Прокурордың тапсырмасы бойынша айтылған уәждерді тексеру үшін Жамбыл облысына Бас прокуратураның Ішкі қауіпсіздік департаменті мен тиісті құрылымдық бөлімшесінің қызметкерлері, сондай-ақ Комитет Төрағасының орынбасары кіретін жұмыс тобы жіберілді."
2025 жылдың 22 сәуірінде Бас прокуратура Әлия Қожабаеваның уәждері бойынша оқиға орнында жүргізілген тексеру олардың растауын таппағанын мәлімдеді.