Ол судың "қара нарығының" көлемін азайту үшін су ресурстарын реттеу, қорғау және пайдалану жөніндегі Комитет құрылғанын еске салды, оның негізгі міндеті суды заңсыз пайдалануға қарсы күрес, есепке алуды бұрмалау және су объектілеріндегі құқыққа қайшы әрекеттердің жолын кесу болып табылады.
"2024 жылы Комитеттің бассейндік инспекциялары 439 тексеру жүргізді, оның барысында 1855 бұзушылық анықталды, 429 нұсқама берілді. Тексеру қорытындысы бойынша жалпы сомасы 48,4 млн теңгеге 582 әкімшілік айыппұл салынды, оның ішінде 44,5 млн теңгеге 556 айыппұл өндірілді, бұл өндіріп алулардың 92%-ын құрайды. 2025 жылдың бірінші тоқсанында 20 тексеру жүргізілді, 26 бұзушылық анықталды, 10 ұйғарым берілді және 13,3 млн теңге сомасына 133 әкімшілік айыппұл салынды", – деді Нұржан Нұржігітов.
Жаңа Су кодексімен Комитетке қадағалау функциялары және жедел ден қою шараларын қолдану құқығы берілген. Қызметкерлер құрамын ұлғайту, аумақтық бөлімдер желісін кеңейту, техникалық жарақтандыруды жақсарту жөнінде шаралар қабылданды.
Бұған дейін Алматының екі ауданында суық су беру уақытша тоқтатылатындығы хабарланған болатын.