Өрт сөндірушілердің жедел әрекеттерінің арқасында шағын алаңдағы терек мамығы мен орындықтардың өртенуі сөндірілді.
Сондай-ақ, жылу әсерінен жеңіл автокөлікке зақым келген. Өрттің шығу себебі анықталып жатыр.
ТЖМ ескерту жасады:
- Терек мамығын өзіңіз өртемеңіз және оны балалардың өртеуіне жол бермеңіз;
- Егер көшеде еркелікпен терек мамығын өртеп жатқан балаларды көрген болсаңыз бей-жай өтіп кетпеңіз!
- Балалардың сіріңке мен оттыққа қолжетімділігін шектеңіз;
- Аулаларда өрттің алдын алу үшін жиналған терек мамығына су төгіп, оны тұрғын үйлер мен құрылыстардан сыпырып тастау қажет.