"Көлсай көлдері" мемлекеттік ұлттық табиғи паркінің хабарлауынша, жабайы жануарларды бақылау мақсатында орнатылған бейнетұзақтардың біріне Қазақстан Республикасының Қызыл кітабына енгізілген қар барысы қайтадан түсіп қалды.
"Бұл сирек кездесетін бейнежазба — қар барысының ұлттық парк аумағында әлі де мекендейтінін дәлелдейді және табиғи ортаның тұрақтылығын көрсетеді". "Көлсай көлдері" мемлекеттік ұлттық табиғи паркі
Қорықтағылар жабайы жануарларды бақылау жұмыстары ұдайы жүргізіліп отыратынын нақтылайды.
Бұған дейін Қатонқарағай ұлттық паркінде қар барысы фототұзаққа түсіп қалғанын жазғанбыз.