Дегенмен елімізде реставраторлар тапшы. Себебі бұл мамандыққа елдегі екі жоғарғы оқу орны ғана маман даярлайды.
Негізінен ғасырлар бойы сақталып, мұра болып қалған құнды жәдігерлерді келесі ұрпаққа жеткізетін кәсіп иелері жекелей әртүрлі ұстаздан тәлім алып жүр, деп жазады qazaqstan.tv.
Сол себепті бұл маңызды мәселе, – дейді салаға жауаптылар. Көне жәдігерлерді түпнұсқадан айнытпай, жаңғыртатын шеберлердің қазіргі жалпы саны 100-ге жетер жетпес.
"Реставрация дегеніміз бүлінген жерін тоқтатып, емін қолдану. Бізде қазір біреу-екеу деген Қазақстанға ол өте аз. Өйткені Қазақстан деген жеріміз өзі өте үлкен ғой. Музейлеріміз өте көп, жәдігерлеріміз өте бай, сондықтан да сол жәдігерлерімізді келесі ұрпаққа да қалдырғымыз келеді." Құралай Төлегенова, ҚР Ұлттық музейінің реставраторы