Қадағалаушы орган бұл әлеуметтік нысанды пайдалануға беру 2026 жылдың екінші тоқсанына жоспарланғанын түсіндірді.
"Құрылыс аяқталғаннан кейін стадион аумағында футболды дамытуға басымдық беретін мамандандырылған балалар-жасөспірімдер олимпиадалық резерв спорт мектебі орналастырылады." Астана қаласының прокуратурасы
Мектеп 8 бен 18 жас аралығындағы 750 балаға есептелген.
Жас спортшыларға жаттығу және жарыс процесіне қажетті барлық жағдайлар жасалады: жасанды жабыны бар заманауи футбол алаңы, киім ауыстыратын бөлмелер, жаттықтырушылар бөлмесі, медицина кабинеті және көрермендерге арналған трибуналар қарастырылады.
Аталған нысан спорттық даярлық сапасын арттыруға, жастар арасында бұқаралық спортты дамытуға және болашақ кәсіби футболшыларды тәрбиелеуге бағытталған.
Халықтың әл-ауқатын арттыруға бағытталған әлеуметтік жобалардың жүзеге асырылуы прокуратура органдарының ерекше бақылауында.