Светлана Жақыпова министрлік 2024 жылы алғаш рет еңбек өнімділігіне, нарықтағы медианалық жалақыға және инфляция деңгейіне байланысты ең төменгі жалақыны анықтау әдістемесін бекіткенін еске салды.
"Бүгінде бірнеше институттар еңбек өнімділігінің нақты көрсеткіштерін, өңірлер, салалар бойынша медианалық жалақыны қамтамасыз ету үшін зерттеулер жүргізуде және олардың барлығы ең төменгі жалақыны есептеуге негіз болады", – деп қосты ол.
Еңбек министрлігі басшысының айтуынша, бұл жұмыстарды ағымдағы жылдың соңына дейін аяқтау жоспарлануда.
"Биылғы жылдың соңына дейін (аяқталады. – Ред.), 1 қаңтардан бастап (2026. – Ред.) ең төменгі жалақыны көтеру мақсатында. Сома осы зерттеулердің барлығынан кейін белгілі болады", – деп түйіндеді сөзін Светлана Жақыпова.
2025 жылғы 18 маусымда Мәжіліс депутаты Асхат Рахымжанов ең төменгі күнкөріс деңгейі, ең төменгі жалақы, тұтыну себеті сияқты әлеуметтік есептеу көрсеткіштерін минимализмнен тұтынудың базалық стандарттарына және әлеуметтік қолдауға қайта қарауды ұсынды. Оның айтуынша, ең төменгі күнкөріс деңгейі 115 710 теңге деңгейінде болуы керек.
2025 жылғы 25 маусымда Премьер-Министрдің орынбасары – Ұлттық экономика министрі Серік Жұманғарин ең төменгі жалақыны "бірақ өте мұқият және күрт емес арттыру керек" деп атап өтті.