Жаслан Мәдиев Қазақстандағы шетелдіктерге бірқатар қызметтерді алуға мүмкіндік беретін QazETA мобильді қосымшасы туралы әңгімелейді.
Олардың арасында:
- цифрлық мемлекеттік қызметтер бойынша – виза алу, тұрғылықты жері бойынша тіркелу және басқа да көші-қон қызметтері.
- туризм тұрғысынан – аттракциондар, турлар, қонақүйлерді брондау, билеттерді сатып алу және т.б. туралы ақпарат.
- байланыс және көлік бойынша – SIM карталарын сатып алу, автокөлікті жалға алу, такси, қоғамдық көлік кестесі және төлем.
- бизнес және инвестиция тұрғысынан – Astana Hub, сондай-ақ B2B қызметтері туралы ақпаратқа қол жеткізу.
- қауіпсіздік тұрғысынан – шұғыл байланыстар, медициналық қызметтер.
"2025 жылдың 15 шілдесінде пилоттық жоба аясында QazETA мобильді қосымшасы Playmarket-ке орналастырылды. Қосымшаны AppStore платформасына осы айдың соңына дейін орналастыру жоспарлануда. Сонымен қатар, ағымдағы жылдың қазан айында қосымшаның аясында заңнама әзірленуде жатқан екі жаңа процесс іске қосылады: ETA (Электрондық саяхат авторизациясы) – визасыз елдерге кіруге рұқсат беру және электронды резиденция – шетелдіктер үшін жаңа мүмкіндік. Мысал ретінде Эстония мен Сейшель аралдарының тәжірибесін пайдалану – елге бармай-ақ бизнес ашу үшін Цифрлық даму, инновациялар және аэроғарыш өнеркәсібі министрлігінің юрисдикциясында резиденттік тіркеу мүмкіндігін беру, – дейді Цифрлық даму, инновациялар және аэроғарыш өнеркәсібі министрлігі.
Осыған дейін Жаслан Мәдиев Қазақстанға ІТ мамандарын тарту үшін қандай жұмыстар атқарылып жатқанын айтқан болатын.