Олардың мәліметтері бойынша, бүгін ҚМУ күтілуде.
"2025 жылдың 23 шілдесінде Ақтөбеде, Алматыда, түнде Астанада қолайсыз метеорологиялық жағдай күтіледі", – делінген сәрсенбіде "Қазгидромет" РМК сайтында жарияланған хабарламада.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, әлсіз жел, тұман, инверсия) жиынтығы.
ҚМУ жағдайында қала тұрғындарына ашық ауада, әсіресе тас жолдар немесе басқа ластаушы көздер жанында уақытты қысқартуға кеңес беріледі. Ал созылмалы өкпе аурулары, жүрек-қан тамырлары аурулары, аллергиялық аурулармен ауыратын адамдар далада жүргенде өздерімен бірге қажетті дәрі-дәрмектерді алып жүруі керек.
Бұған дейін Қазақстанның 13 өңіріне +42°С-қа жететін қатты аптап ыстықтың жақындағаны хабарланған болатын.