Денсаулық сақтау министрлігінің басшысы жаңа Салық кодексінде кепілдендірілген тегін медициналық көмек және міндетті медициналық сақтандыру пакеті аясында көрсетілетін медициналық қызметтерді ҚҚС-дан толық босату көзделгенін еске салды.
"Бұл бірінші орындай алдық. Екіншісі – бірте-бірте ұлғайту: 5-тен 10 пайызға дейін. Яғни, екі жыл ішінде бірте-бірте. Үшіншіден, бұл көтерме және бөлшек сауда сегментінде сатылатын, тізбесін уәкілетті орган айқындайтын өмірлік маңызы бар дәрілік заттарды ҚҚС-дан толық босату. Қазір бұл жұмыстарды атқарып жатырмыз және осы тізімді жасап жатырмыз", – деп қосты Ақмарал Әлназарова.
Оның айтуынша, министрлік тиісті есептеулерді жүргізген.
"ҚҚС-тың бұл шарттары бойынша тиімді салық мөлшерлемесі шамамен 2-3% шамасында болады. Сіз қойып отырған мәселе, медициналық қызмет көрсету көлемін қаншалықты арттыруға болады – біз ол 5%-ға дейін болады деп айтамыз", – деп түйіндеді сөзін Ақмарал Әлназарова.
2025 жылдың 23 шілдесінде олар Қазақстандағы емханалардағы қабылдау сағаттарын көбейткісі келетіні хабарланды. Бұл науқасты мұқият тексеруге, тиімдірек ем тағайындауға және жоғары сапалы динамикалық бақылауға мүмкіндік береді.