Желіде тараған жазбаға "Бурабай" Мемлекеттік ұлттық табиғи паркі жағдайды түсіндіру мақсатында ресми хабарлама жасады.
Біріншіден.
"Айыппұл саңырауқұлақ тергені үшін емес, ұлттық парк ережелеріне сәйкес тыйым салынған — жалпы пайдаланылатын жолдан автокөлікпен орман алқабына түскені үшін рәсімделген",- делінген ақпаратта.
Келесі мәселе.
Артынша, саябақ қызметкерлерінің орнына "туристердің қоқыс жинауына" қатысты сын-пікірге жауап берілді.
"Алайда фотосуретте көрсетілген контейнерлер ұлттық парк аумағына тиесілі емес екенін ескертеміз. Біздің аумақта басқа контейнерлер орнатылған",- деп түсіндірді ведомство.
Сондай-ақ, саябақ әкімшілігі тазалықты сақтауға үлес қосып жүрген тұрғындар мен қонақтарға алғысын білдірді.
"Сонымен бірге түсініспеушіліктердің алдын алу үшін ақпаратты тексеріп алуға шақырамыз.Паркке келер алдында ережелермен танысуға кеңес береміз — бұл табиғатты сақтап, жағымсыз жағдайлардың алдын алуға көмектеседі",- деп қорытындылады ведомство.
Бұған дейін Алматыдағы Яссауи көшесінде көлік қозғалысы шектелгендігін жазған болатынбыз.