Журналистер оқу жылын 1 маусымға дейін ұзарту жоспарда бар ма деп нақтылады.
"Бұл – ашық мәселе. Ең алдымен барлық білім беру ұйымдарын, инфрақұрылымды тиісті деңгейге жеткізуіміз керек. Өздеріңіз білесіздер, мен бұған дейін айттым, елімізде мыңнан астам мектеп толық күрделі жөндеуді қажет етеді. Сондықтан алдымен барлық мектептерді ретке келтіріп, заманауи оқу кабинеттерімен жабдықтау қажет. Жаңа енгізілімдерге біз әрдайым орала аламыз, бірақ ол үшін ең алдымен бүкіл білім беру ұйымдарының инфрақұрылымдық тұрғыдан дайын болуы шарт. Сондықтан инфрақұрылым мәселелері толық шешілмейінше, бұл тақырыпқа қайта оралмаймыз", – деп жауап берді Ғани Бейсембаев.
Министр биыл бұл мәселе мүлде қаралмайтынын нақты айтты.
Бұған дейін жаңа оқу жылында оқушыларды қандай өзгерістер күтіп тұрғаны белгілі болған.