Бұл туралы 2025 жылғы 23 қыркүйекте әлеуметтік желілерде тараған ақпаратты Қазақстанның Ішкі істер министрлігі растады.
"Сіздің сұрауыңызға жауап ретінде хабарлаймыз: Жамбыл облысы ПД-ның бұрынғы бастығы Малыбаев Б. А. берген рапортына сәйкес ішкі істер министрінің бұйрығымен атқарып отырған қызметінен босатылды", – делінген ведомство түсініктемесінде.
Малыбаевтың отставкаға рапорт жазғаны 2025 жылғы 3 қыркүйекте белгілі болған. Бұған Жамбыл облысы ПД бастығының бұрынғы орынбасарының ұсталғаны себеп болған.
Әлеуметтік желілерде облыстың бас полицейінің жұмыстан кетуін балалар мен жасөспірімдерге қатысты бірқатар резонансты оқиғалармен де байланыстырды.
1 қыркүйекте Таразда мектеп оқушысы өлтірілді.
9 қыркүйекте мектеп-интернаттың дәретханасында ұлдар топтасып қызға қорлық көрсеткені жария болды.
15 қыркүйекте мектеп оқушылары арасындағы жанжалдың соңы тоғызыншы сынып оқушысының өлімімен аяқталды.