Статистикалық мәліметтерге сәйкес, елімізде Қазақстан есімді 28 азамат бар.
"Олардың көпшілігі Қарағанды облысында (7 адам), Ақмола облысында (6 адам) тұрады. Қостанай облысы мен Астанада – әрқайсысында 3 азаматтан, Алматы мен Маңғыстау облыстарында және Шымкент қаласында – әрқайсысында 2 адамнан бар. Ал Ақтөбе, Батыс Қазақстан және Павлодар облыстарында бір-бір азаматтан тұрады", делінген дүйсенбідегі хабарламада.
28 адамның ішінде тек бір әйелдің есімі Қазақстан деп аталады.
Жас ерекшеліктері бойынша ең қарт Қазақстан 92 жаста, ең жасы - 25-те.
Бұған дейін Қазақстанға келетін шетелдік туристердің, әсіресе медициналық бағыттағы саяхатшылардың саны күрт өскені хабарланған.