Министрдің айтуынша, бүгінде Қазақстанда 6 179 ауылдық елді мекен бар. Оның ішінде 2 606 ауыл магистральдық талшықты-оптикалық байланыс желісі (ТОБЖ) арқылы интернетке қосылған.
"663 ауылда жергілікті желі бар. 2026 жылдың соңына дейін тағы 3 000-нан астам ауылды магистральдық ТОБЖ-ға қосу жоспарланып отыр. Осылайша 2027 жылдың соңына дейін жергілікті ТОБЖ желісі 4 786 ауылға дейін жетеді", – деді Мадиев.
Министрдің мәліметінше, бұл шаралар ауылдардың 90%-нан астамын жоғары жылдамдықты сымды интернетпен қамтуға мүмкіндік береді.
"2027 жылдың соңына дейінгі жалпы инвестиция көлемі 323 млрд теңгені құрайды. Ел халқының 1%-дан аз бөлігі тұратын қалған 10% ауыл интернетке спутниктік технологиялар арқылы қосылады", – деп толықтырды министр.
Айта кетейік, бұған дейін Қазақстанда интернет-трафик тұтыну көлемі екі есеге артқаны хабарланған болатын.