Тексеру барысында техникалық қадағалау жұмыстарын атқарған "Алатау сапа құрылыс" ЖШС өз міндеттерін тиісінше орындамағаны анықталып, оған әкімшілік шара қолданылды. Нәтижесінде компания аккредиттеу құқығынан айырылды.
Сондай-ақ, жобалық шешімдерден ауытқып, құрылыс саласындағы мемлекеттік нормативтерді бұзған "СПЕЦКОММУНСТРОЙ" ЖШС ұйымына анықталған кемшіліктерді жою жөнінде нұсқама беріліп, әкімшілік жауапкершілікке тартылды.
Басқарма мәліметінше, қала әкімі Дархан Сатыбалдының тапсырмасына сәйкес, құрылыс-монтаж жұмыстарының сапасына бақылау күшейтілген. Бұған дейін Әбіш Кекілбайұлы көшесінде кәріз желісін қайта жаңарту жұмыстарын жүргізген AsiaMax құрылыс компаниясы да лицензиясынан айырылған болатын.