Эвакуация басталғалы бері резидент және резидент емес әуе компанияларының қолдауымен 7 300-ден астам қазақстандық елге қайтарылды, деп хабарлады Сыртқы істер министрлігі 2026 жылғы 9 наурызда.
Әуе рейстерінен бөлек, азаматтарды эвакуациялау Әзербайжан, Армения және Түрікменстанның құрлықтағы мемлекеттік шекаралары арқылы да жүзеге асырылып жатыр.
"Өңірдегі Қазақстанның дипломатиялық өкілдіктері жергілікті жерде іс-қимылдарды үйлестіру жұмыстарын жалғастырып, отандастарымызбен тұрақты байланыста", - деп хабарлады ведомство.
Еске салайық, бұған дейін бір тәулік ішінде Таяу Шығыс елдерінен Қазақстанның 1,7 мыңнан астам азаматы ұшып шыққанын хабарлаған едік.