Оған бұл сұрақты журналистер қойды.
"Сіздер атап өткен тұлғаларға қатысты айтарым – менің жауабым: үзілді-кесілді жоқ", – деді Әділов.
Оның айтуынша, бұған Қазақстан Республикасының Қылмыстық кодексі кедергі келтіреді.
"Өйткені Қылмыстық кодекстің 78-бабы терроризмге, экстремизмге, мемлекеттік опасыздыққа, сыбайлас жемқорлыққа қатысты қылмыстар жасаған, сондай-ақ қылмыстық топ құрамында әрекет еткен адамдарға амнистия қолдануға тікелей тыйым салады. Сондықтан бұл тұлғаларға рақымшылық қолдану мәселесі мүлде қарастырылмайды және алдағы уақытта да қаралмайды", – деп түсіндірді вице-министр.
Бұған дейін Қазақстанда жемқорлар, педофилдер мен лаңкестер рақымшылыққа ілікпейтіндігін жазғанбыз.