Болжамға сәйкес, елдің басым бөлігінде ауа райы қолайсыз болады.
"Атмосфералық фронттардың әсерінен Қазақстанның басым бөлігінде тұрақсыз ауа райы сақталып, жаңбыр мен қар түрінде жауын-шашын жауады", – делінген "Қазгидромет" РМК баспасөз қызметінің хабарламасында.
Тек еліміздің солтүстігінде, шығысында және оңтүстік-шығысында антициклон сілемінің әсерінен жауын-шашынсыз ауа райы болады.
"Республика бойынша тұман түсіп, көктайғақ болады. Батыс пен оңтүстікте жел күшейеді, оңтүстікте найзағай ойнайды", – деп хабарлады "Қазгидромет" РМК.