Лос-Анджелесте Америка Құрама Штаттарының «Оскар» киноакадемиясының 94-ші марапаттау рәсімі басталды, деп хабарлайды РИА Новости.
Голливудтағы «Долби» театрында өтіп жатқан салтанатты рәсімнің жүргізушілері - актрисалар Эми Шумер, Регина Холл және Ванда Сайкс. Салтанатты шара «Кино сүйер қауым бірге» деген ұранмен өтіп жатыр, бұл туралы жүргізуші қонақтарға сөз сөйлеген кезде еске салды.
Биыл «Оскар» сыйлығына барлығы 38 жұмыс ұсынылып отыр. Номинациялар саны бойынша көшбасшы - «Аласть пса» фильмі, ол 12 номинация бойынша ұсынылған, ал «Дюны» туындысы 10 номинация бойынша көш бастап тұр.
Ұйымдастырушылар биыл алғаш рет салтанатты шара алдында сегіз номинация бойынша (грим және шаш, түпнұсқа музыка, дыбыс, монтаж, қысқаметражды анимациялық фильм, қысқаметражды деректі және қысқаметражды көркем фильм) жеңімпаздарды жариялауды ұйғарды.