Қазақстан Республикасы Мемлекеттік рәміздерінің 30 жылдығын мерекелеу аясында Нұр-Сұлтанда Патриоттар форумы өтті. Іс-шараға көрнекті мәдениет өкілдері, қоғам және мемлекет қайраткерлері, ғалымдар қатысты және қала тұрғындары балаларын ертіп келді. Форумға барлығы 1500-ге жуық делегат қатысты.
Сурет: ҚР Мәдениет және спорт министрлігі
Сурет: ҚР Мәдениет және спорт министрлігі
Сурет: ҚР Мәдениет және спорт министрлігі
Форумда Мәдениет және спорт министрі Дәурен Абаев әнұран биікті еңсеріп, әлемді жақсы жетістіктерге жетелейтін әрбір қазақстандықтың жүрегіне таңбаланып жазылған қасиетті сөздер екенін баса атап өтті.
Сурет: ҚР Мәдениет және спорт министрлігі
Біз туымызды, Әнұранымызды, Елтаңбамызды ұлықтау үшін осы салтанатты шараға жиналып отырмыз. Тігілген аспандай көк түсті туымыз біздің тәуелсіздігіміздің мызғымастығын, әлем бойынша қазақстандықтардың жоғары жетістіктерінің белгісі ретінде жоғарыда үнемі мақтанышпен жалаулап тұра берсін!Әрбір қазақстандықтың жүрегіне таңбаланып жазылған қасиетті сөздер - әнұран биікті еңсеріп, әлемді жақсы жетістіктерге жетелейтіндей болсын. Біздің елтаңбамыз әрқашан Қазақстан мемлекеттілігінің жоғары беделінің белгісі ретінде қызмет етсін. Осы залда еліміздің дамуына үлес қосушы жастар жиналып отырғаны мәлім, Сіздердің мемлекеттік рәміздерге деген құрметті қарым-қатынастарыңыз еліңіз үшін мақтанышты, Отанға деген сүйіспеншілік пен шынайы халық бірлігін танытатынына сенімдімін. Мәдениет және спорт министрі Дәурен Абаев
Сурет: ҚР Мәдениет және спорт министрлігі
Іс-шара барысында "Ғылым және білім", "Медицина және волонтерлік", "Мәдениет және спорт", "Өнеркәсіп және ауыл шаруашылығы", "Технология және бизнес", "Айырықша ерлік көрсеткен азаматтар" бағыттары бойынша "Жыл патриоты" номинациясының жеңімпаздары марапатталды.
Жалпы, ұйымдастырушылар атап өткендей, үміткерлер көп болды, бірақ Қазақстанның дамуына өз үлесін қосқан немесе өзінің батылдығымен ерекшеленген азаматтар арасынан 12 адамды (әр номинация бойынша екі адамнан) таңдау туралы шешім қабылданды.
Сонымен, "Ғылым және білім" номинациясы бойынша Білім беру зерттеулерінің еуропалық ассоциациясының еуропалық байқауының жеңімпазы Асхат Жұмабеков, сондай-ақ Л. Н. Гумилев атындағы Еуразия ұлттық университетінің Трек мембраналық технологияларын дамыту жөніндегі инженерлік бейіндегі зертхананың жетекшісі, физика-математика ғылымдарының кандидаты Максим Здоровец марапатталды.
"Мәдениет және спорт" номинациясында 2022 жылғы Бейжіңдегі қысқы Паралимпиада ойындарының қола жүлдегері Александр Герлиц марапатталды, ол Қазақстан атынан жалғыз медальды жеңіп алды. Одан бөлек телепродюссер, сценарист Гүлнұр Мамасарипова марапатталды.
QazCovid-in (QazVac), яғни коронавирус инфекциясына қарсы қазақстандық инактивті вакцинасын әзірлеуші Күнсұлу Закария мен Нұр-Сұлтан қаласында пандемия кезінде кәсіби медициналық көмек көрсеткен волонтер Абылайхан Әбдіраш "Медицина және волонтерлік" номинациясы бойынша марапатталды.
"Өнеркәсіп және ауыл шаруашылығы" номинациясында өз қаражатына Батыс Қазақстан облысының Погадаев ауылында спорт кешенін салған бизнесмен Бейбіт Асанов көзге түсті. Қазіргі уақытта онда ауыл тұрғындары жаттығып, мәдени іс-шаралар өткізілуде. Бұл номинацияның екінші жеңімпазы - Аманжол Арипов. "БАХА SӦHNE" ЖШС директоры Ақмола облысы Атбасар ауданы Покровка ауылында сұлы қауызын өндіретін зауыт салды. Компанияның 1 мың ірі қара малға арналған бордақылау алаңы да бар.
"Технология және бизнес" номинациясында Өркен Мамырбаев Phillips компаниясымен бірге қазақ сөзін мәтінге айналдыруға мүмкіндік беретін қамтамасыз ету бағдарламасын әзірлеген. Бұл - қазақ тілін дамыту және ақпараттық кеңістікке интеграциялау бойынша алғаш рет әзірленген технология. Осы номинацияда кәсіпкер әрі меценат Сабыржан Акбаровтың аты аталды. 2021 жылы Сардоба су қоймасы бөгеті бұзылғанда ол Түркістан облысы Мақтаарал ауданының тұрғындарына көмек көрсетті. Сондай-ақ өткен жылы қуаңшылыққа байланысты жем-шөптің тапшылығы кезінде ол Маңғыстау облысының тұрғындарына шөп жинауға көмектесті.
"Ерекше ерлік көрсеткен азаматтар" номинациясында қаңтар айында Ақтөбе қаласында болған оқиғалар кезінде Отан алдындағы борышын абыроймен орындаған Ұлан Мырзабай, сондай-ақ қазақстандық Сәбит Шонтақбаев марапатталды. Ол өз өмірін қатерге тіге отырып, сегізінші қабатта балконнан салбырап тұрған үш жасар қызды құтқарып қалды.
