Министр Facebook-тегі парақшасында ақынмен қоштасып, жазба жариялады.
"Тектілер мекені Торғай топырағынан түлеп ұшып алты алаштың ардақтысына, арқалы ақтаңгер ақынына айналған Қонысбай Әбілов ағамыз дүниеден өтіпті. Қонысбай ағамыздың арқалы ақын ғана емес, қаламы жүйрік журналист ретінде де "Торғай таңы" газеті редакторының орынбасары, "Арқалық таңы" газетінің редакторы, Торғай облыстық телерадиокомпаниясының төрағасы секілді бірқатар жауапты қызметтер атқарып, отандық журналистиканың дамуына зор үлес қосты. Ағамыздың жатқан жері жайлы, топырағы торқа болсын! Жақындарына көңіл айтамын".Дархан Қыдырәлі
Айта кетсек, бұған дейін халық ақыны Қонысбай Әбілдің қайтыс болғаны хабарланған болатын. Ол 68 жаста еді. Ақын ертең, 4 желтоқсанда Астанадағы пантеонға жерленеді.
