Таратылған ақпарға сүйенсек, келесі жылы Димаштың қатысуымен тарихи әлемдік премьера өтеді деп жоспарланып отыр.
"2026 жылғы 18 сәуірде Будапешт қаласында тарихи әлемдік премьера өтеді: Пласидо Доминго, Степан Хаузер және Димаш Құдайберген алғаш рет бір сахнада, көпшілік алдында бірге өнер көрсетеді", – делінген "Virtuosos" шоуы мен Димаштың командасының бірлескен жарияланымында.
Белгілі болғандай, бұл үштіктің концерті Будапешттегі аңызға айналған MVM Dome аренасында өтеді. Билеттер сатылымға шығарылған.
"Будапешт сіздерді күтеді", – деп атап өтті "Virtuosos" шоуы мен Димаштың командасы Пласидо Доминго, Степан Хаузер және Димаш Құдайбергеннің жанкүйерлеріне үндеу жасай отырып.
Бұған дейін Димаш Құдайбергеннің "Stranger" концерттік туры аяқталғанын жазғанбыз.