Алматы облысындағы Жетыген ауылына апаратын, Қапшағай тас жолында жеңіл көлік пен трактор соқтығысып қалды деп хабарлайды Zakon.kz.
Трактор мен Lada Vesta көлігі ауыл жаққа бет алған. Жеңіл көлік тізгіндеп келе жатқан азаматтың сөзіне сүйенсек, ол трактордың артынан келе жатқан. Ол баяу жүріп келе жатқандықтан, оны озбақ болады.
Жолдың қиылысына келгенде трактор кенеттен солға бұрылмақ болады. Үлкен жылдамдықпен кележатқан Lada Vesta осы сәтте оның дөңгелегіне барып соғылады. Соққының ауырлығынан дөңгелек жұлынып кетеді, ал трактор аударылып қалады.
Апаттың салдарынан тракторда отырған жолаушы мен жүргізуші зардап шекті. Оқиға орнында медицина қызметкерлері көмек көрсетті. Ашық жарақат алған жүргізуші ауруханаға жеткізілді.
Кейін белгілі болғандай, трактордың бұрылу белгілерінің сымдары жұлынған болып шықты.