Ақтөбеде қаланың ескі бөлігінде бір аулада орналасқан екі үй жанып кетті, деп хабарлайды Zakon.kz Aktobenews.kz-ке сілтеме жасап.
Төтенше жағдай кезінде қаза тапқандар жоқ.
Кеше Ақтөбе қаласындағы Екпінді 40 мекен-жайында жеке баспана мен салынып жатқан екі қабатты үй өртеніп кетті.
"Оқиға орнына 39 адам мен 7 техника бағытталды. Сағат 14.44-те өрт тұйықталып 14.53-те сөндірілді. Жалпы 117 ш.м. аумақты қамтыды. Қазіргі таңда оттың шығу себептері мен келтірілген шығындар анықталуда", — деп хабарлады Ақтөбе облысы бойынша ТЖД баспасөз қызметі.
Өрт сөндірушілердің жұмысының нәтижесінде жапсарлас орналасқан көрші екі үй тілсіз жаудан құтқарылды.