Төтенше оқиға орынында жедел-тергеу тобы жұмыс істеп жатыр, деп хабарлайды Zakon.kz.
Абай ауданындағы шахтадағы жарылыс фактісіне сәйкес, ҚР Қылмыстық кодексінің 277-бабы, 3-бөлігі бойынша сотқа дейінгі тергеу басталды. Қарағанды облысы полиция департаментінің басшылығы мен жеке құрамы қаза тапқан кеншілердің отбасыларына көңіл айтады, – деп хабарлады облыстың ПД баспасөз қызметі.
Зардап шеккен жұмысшылардың есімдері де белгілі болдыү Олар - Маралбаев Жеңіс Мерекеұлы, 1963 жылғы (үңгуші-кенші) және 1985 жылғы Зейналов Елайдар Абезоғлы (үңгуші-кенші).
Айта кетсек, зардап шеккендердің екеуі де қазір жан сақтау бөлімінде жатыр.
Биылғы жылдың 7 қарашасында профессор Х.Ж. Мақажанов атындағы көпсалалы ауруханаға 1960 және 1963 жылғы екі кенші келіп түсті. Екеуіне де шахтадағы өткір газдан, яғни метан және көмірқышқыл газынан улану диагнозы қойылды. Диагнозы – токсикогипоксический энцефалопатия, - деп хабарлады Қарағанды облыстық денсаулық сақтау басқармасының баспасөз қызметі.
Зардап шеккен екі кеншіге аурухана дәрігерлері барлық қажетті медициналық көмек көрсетуде.
Бұған дейін Абай қаласындағы "АрселорМиттал Теміртау" АҚ-қа тиесілі шахтада кеншілердің метан газынан уланғаны белгілі болған еді. Қайтыс болғандардың тізімі де жарияланды.