Қарағанды облысында шахтада алты адам ажал құшты

ҚР ТЖМ

Төтенше жағдайларды жоюға Авариялы-құтқару қызметтерінің "Республикалық орталық штабы" ЖШС (15 қызметкер), ТЖД (үш қызметкер және екі бірлік техника), Апатты медицина орталығы ММ (үш қызметкер және бір техника) күштері мен құралдары тартылуда.

Абай қаласында "АрселорМитталТеміртау" АҚ-тың шахтасында қайғылы оқиға орын алды. 3-К10 солтүстік вентиляциялық штректің түбінен кенеттен улы метан бөлінді, деп хабарлайды Zakon.kz.

Төтенше жағдайдың орын алғаны 2021 жылғы 7 қарашада сағат 08.37-де белгілі болды.

Алдын ала мәлімет бойынша, шахтада 64 жұмысшы болған. 3-К10 алаңында сегіз жұмысшы бар (ақпарат нақтылануда). Сегіз жұмысшының алтауы қаза тапты, екеуі жарақат алды (жағдайлары нақтыланып жатыр). Жер бетіне шығару жұмыстары жүргізілуде, - деді Төтенше жағдайлар министрлігінің ресми өкілі Талғат Уәли.

Оқиға орнына Қарағанды облысы Төтенше жағдайлар департаменті қызметкерлері мен техникасы аттанды.

Оқиғаның мән-жайы мен себептері анықталуда.