Тиісті ұсынысты Мемлекет басшысы сенатқа енгізді.
Сот үкімімен Мейрам Жанғұттиновқа қызметтік бабын пайдаланып, алаяқтық жасады деген айып тағылды. Бұл үкім заңды күшіне енді. Құрметті депутаттар, соттың айыптау үкімі заңды күшіне енуіне байланысты Жанғұттинов Мейрам Құрмашұлын қызметінен босату туралы Мемлекет басшысының ұсынысын қолдауыңызды сұраймыз. Жоғарғы сот кеңесінің төрағасы Денис Шипп
2021 жылдың ақпан айында Сыбайлас жемқорлыққа қарсы қызмет қызметкерлері Жоғарғы сот судьясын ірі көлемде пара алу кезінде ұстағаны белгілі болды. Ақша оған Түркістан облысы аудандық сотының судьясын бір соттан екінші сотқа ауыстыруға көмектескені үшін аударылған.
3 желтоқсанда Мейрам Жанғұттинов бес жылға бас бостандығынан айырылды.
