Қазақстан Республикасы Ішкі істер министрлігінің ақпараттық медиа-порталында хабарланғандай, 9 наурызда Алматы қаласындағы ауруханалардың біріне Талғар ауданы Бесағаш ауылының 44 жастағы тұрғыны пышақ жарақатымен жеткізілген. Жәбірленушіге жанжалдасып қалған әкесі пышақ сұққаны анықталды. Қазір зардап шегуші дәрігерлердің қатаң бақылауында.
71 жастағы күдікті ұсталып, уақытша ұстау изоляторына қамалды. Бірақ оның жасы ұлғайғанын және басқа да мән-жайларды, сондай-ақ күдікті зейнеткерге қатысты берілген арызды ескере отырып, үйқамақ түріндегі бұлтартпау шарасы таңдалды, деп хабарлады Талғар аудандық полициясы.
Күдікті шынымен де ұлын асхана пышағымен бірнеше рет пышақтап кеткенін мойындады.
Аталған факті бойынша сотқа дейінгі тергеп-тексеру Қазақстан Республикасы Қылмыстық кодексінің екі бабы бойынша, яғни 24 баптың 3 тармағы және 99 баптың 1тармағы бойынша іс қозғалды.
