15 сәуірде сағат 13.50-де Павлодар қаласындағы Ткачев көшесінің бойындағы бассейндердің бірінің жанында Павлодар облыстық полиция департаментінің қызметкерлері ҰҚК қызметкерлерімен бірлесіп ұйымдасқан қылмыстық топтың жетекшісін ұстады.
ҚР Қылмыстық кодексінің 194-бабы 4-бөлігі 2-тармағы бойынша сотқа дейінгі тергеу амалдары жүргізілуде. Күдікті қамауға алынды.
Облыстық басқарма басшысы Василий Скляр ұйымдасқан қылмыстық топтың 54 жастағы жетекшісінің топ болып әрекет жасап, ЖШС директорынан үшінші тұлғалардың пайдасына 52 миллион теңге талап еткенін айтты.
Павлодар облысында жыл басынан бері бопсалаудың алты фактісі тіркеліп, барлығының беті ашылды.