18 қарашада сағат 20:15 шамасында Астана-Павлодар республикалық тасжолын патрульдеу барысында ҚазАвтоЖол қызметкерлері жолдың шетінде бұзылып тұрған автобусты байқады, делінген хабарламада.
Жүргізуші Астанада спорттық турнирге қатысқан 20 баланы қайта Өскеменге апара жатқан.
Жолшылар көлік жүргізушісіне көмек көрсетіп, оны ең жақын техникалық қызмет көрсету станциясына апарды. Онда олар автобустың істен шыққан қосалқы бөлшегін жөндеді. Балалар болса жолшылардың бақылауында болды. Автобуста автономды жылыту жүйесі жұмыс істеп тұрды.
Жөнделген көлік жүргізушісі жолын жалғастырды. Жүргізуші жолаушыларға көрсеткен көмегі үшін алғыс айтты.