Байқоңыр ауданы ПБ криминалдық полиция қызметкерлері жедел-іздестіру іс-шараларын жүргізу кезінде 18 жастағы күдіктіні ұстады.
Тергеу барысында оның әлеуметтік желі арқылы қызбен танысқаны анықталды. Қысқа хат алмасудан кейін олар қыздың пәтерінде танысуды жалғастырған.
Үй иесінің басқа жаққа алданып тұрғанын пайдаланып, жас жігіт пәтердің кілттерін ұрлап алған, деп жазады Polisia.kz.
Бірнеше күннен кейін үйде ешкім жоқ екеніне көз жеткізіп, пәтердің есігін ашып кіріп, алтын сақинаны ұрлаған. Келтірілген шығын сомасы 2 млн теңгені құрады.
Аталған фактіге қатысты ҚР ҚК-нің 188-бабы (Ұрлық) бойынша сотқа дейінгі тергеу амалдары жүргізіліп жатыр. Жас жігіт мойындау көрсетпелерін берді, заттай дәлелдемелер тәркіленді.
Оның елорда аумағында бұрын жасалған осыған ұқсас қылмысқа қатысы бар-жоғы тексеріліп жатыр.