Антикордың айтуынша, компания басшылығы жарғыны бұза отырып, директорлар кеңесінің тиісті шешімінсіз басқарма мүшелерінің лауазымдық жалақысын (басқарма төрағасы, төрағаның 3 орынбасары, бас геолог) өз бетінше арттырды.
Ақпаратта атап өтілгендей, мұндай қадам 2017-2019 жылдар аралығындағы еңбек демалысына, сыйлықақы және материалдық көмектің 169 миллион теңгеден артық төленуіне әкеп соқты.
"Тергеу жалғасуда. Тергеу мүддесіне сай басқа мәліметтер жария етілмейді", - деп қорытындылады ведомство.
19 қарашада Сыбайлас жемқорлыққа қарсы қызмет «Қаратау» ЖШС («Қазатомөнеркәсіп» ҰАК» АҚ еншілес кәсіпорны) және «Iri building» ЖШС лауазымды тұлғаларына 2019-2021 жылдар аралығында Түркістан облысындағы Қаратау кенішінде қызмет көрсету кезінде ұрлық жасау фактісі бойынша сотқа дейінгі тергеуді жалғастырып жатқаны белгілі болды.